大澳文物酒店｜古蹟漫遊之旅兼歎限定下午茶全新客房再升級（即睇片）

2022-07-15 00:00

大澳文物酒店由舊大澳警署活化而成，今年踏入 10 周年，酒店將推出一系列慶祝活動，包括文化導賞團、限定下午茶及全新酒店客房。

文化方面，酒店將開放給公眾參觀，每日下午設有三個時段導賞團，歷時 20 分鐘。參加者可近距離體驗舊大澳警署的歷史，再由導賞員帶領穿梭酒店、看守塔、玻璃屋頂餐廳及文物探知中心，時光倒流細味大澳舊日情懷。期間亦可了解客房原本的用途，探索大澳歷史及寧靜的漁村風貌，深度認識這個歷史悠久的水鄉。

酒店的餐廳 Tai O Lookout 一向受歡迎，其玻璃屋頂設計夠晒 IGable，落地大玻璃仲望到無敵海景，適逢 10 周年，餐廳推出周年限定下午茶，每人只需 $120，便可品嚐以蝦醬、鹹魚、鹹蛋黃、紫貝天葵等大澳地道食材入饌的經典美食。蝦多士伴大澳蝦醬蛋黃醬，香脆又彈牙，大澳蝦醬雞翼即叫即炸，鹹香夠惹味。甜品則有以大澳紫貝天葵製成的雞蛋仔及芝士餅，充滿水鄉情懷。