米珠蓮｜Lady Nara 聯乘 RMK 推出限定打卡下午茶送皇牌體驗套裝

2022-06-13 00:00

日本知名彩妝品牌 RMK 今年成立 25 周年，食住個勢聯同尖沙咀著名打卡餐廳 Lady Nara 合作，推出限定 Lady Nara X RMK「原」美滋「泰」下午茶。

下午茶由即日至 7 月 31 日期間供應，做得聯乘當然有噱頭。十多款鹹甜點仿照 RMK 彩妝系列產品為造型，賣相精緻又夠吸引。鹹點有 5 款，推介野菌松露忌廉撻，粉嫩撻皮內放滿濃郁香醇的野菌餡料，黑松露氣味油添芳香。迷你粉紅漢堡以紅菜頭汁呈現天然粉紅色，內裡夾上肉汁豐腴的漢堡扒及半融芝士，一口份量剛好。芒果蝦肉米紙卷口感爽口輕怡，沒有油膩感。

當然唔少得女士最愛的打卡甜點，紅桑子慕絲白朱古力唇膏以唇膏造型亮相，薄薄的白朱古力包着酸甜清新的紅桑子慕絲。另外胭脂霜牛油曲奇、唇膏牛油曲奇及紅唇牛奶朱古力一樣吸引味蕾同視覺。下午茶又點少得英式鬆餅？由 Lady Nara 自家烘焙的玫瑰粉紅英式鬆餅，用上玫瑰花水及玫瑰花瓣來突出花香，香軟無比，配上紅桑子果醬同順滑的奶油忌廉佐食夠晒滋味。