毛孩有福了｜康文署再增 60 個寵物共享公園 野餐放電 海邊散步 兼去寵物 cafe

放寬社交距離措施，唔止人類開心，連寵物都應該好興奮。

康文署早前宣布，將在全港各區的康樂場地增設逾 60 個寵物共享公園，其中逾 20 個場地位於海濱長廊或附近的公園，如青衣海濱公園、東岸公園、大埔海濱公園等，寵物共享公園數目將超過 100 個。放假終於可以去戶外走走，最好就係日光普照時帶埋家中毛孩去野餐、去海邊 hea 一日喇。

寵物共享公園與寵物公園唔同，寵物公園設有圍欄、雙重閘門等，以防止寵物走失。寵物共享公園並非專門為寵物而設，但其概念是將現有的公園開放畀市民攜同寵物共享，名副其實人寵共融。現時寵物共享公園多達 100 個，哪些最方便、最 chill 又有靚景？推薦以下 3 個公園畀大家：

西貢海濱公園 去埋 pet friendly cafe
面積達 8 萬多平方呎，原本已設有水池石雕、兒童遊樂場，更不時舉辦嘉年華、義賣活動、周末市集等，公園為開放式設計，狗狗放電一流。鄰近的 the coffee academics、柴太郎咖啡店、Little Cove Espresso 都係 pet-friendly 餐廳，其中柴太郎咖啡店仲有毛孩餐單，超細心呀！

西貢海濱公園面積達 8 萬多平方呎

大埔海濱公園 一家大細帶埋毛孩必選
為香港面臨最大的公園，有昆蟲屋、棕櫚園、海濱長廊等設施，原本已是一家大細周末好去處，依家 upgrade 變成寵物共享公園，毛孩又多一個好去處。放完電可以去大埔市中心新開業的 pet-friendly cafe BOUNDLESS by REACTION。

大埔海濱公園有昆蟲屋、棕櫚園、海濱長廊等設施

中山紀念公園 超大草地放電一流
位於西營盤海傍，交通方便之餘又近海邊，仲有超大片草地畀毛孩放電，啱晒周末同埋狗狗去野餐。

中山紀念公園交通方便之餘又近海邊

其他名單一覽：https://bit.ly/3s3D3jx

立即下載 | 全新《星島頭條》APP :https://bit.ly/3yLrgYZ

更多第5波疫情資訊，請到以下專頁瀏覽
按此  (https://bit.ly/3JqiBzz)