米珠蓮｜抹茶控注意！The Upper House 聯乘 Matchali 新推抹茶主題下午茶

2022-04-11 00:00

疫情稍為緩和，唔少酒店、餐廳紛紛推出餐飲優惠。金鐘的打卡酒店 The Upper House 聯乘人氣抹茶店 Matchali，推出首個抹茶主題下午茶，抹茶忠粉千祈唔好錯過喇！

下午茶共有11款精美鹹、甜點

餐廳 Salisterra 位於 The Upper House 的 49 樓，同抹茶店 Matchali 合作推出的限定下午茶，由即日至 5 月 29 日前都可食到。抹茶下午茶共有 11 款精美鹹、甜點，兩位用人均 299 港幣。甜點方面，重點推介抹茶法式焦糖蛋糕，微微苦澀落入焦糖香中；黑芝麻抹茶紅豆泡芙，紅豆泡芙上是滿滿的黑芝麻忌廉；迷你抹茶橘子冬甩，帶有橘子清香；另外仲有抹茶焦香芝士蛋糕同焙茶檸檬香梨撻。鹹點方面，唔少得 Salisterra 的經典香提英式鬆餅，既鬆化又充滿牛油香。配以抹茶牛油忌廉、柚子芒果醬，味道更豐富；鴨肉甘脆配梅子汁、蘑菇批、脆炸牛尾丸子等一樣有水準。