【网络热话】疑似公务员「柯打」32杯饮品 等逾一个钟后称「要收工」弃单

现时各式饮品店成行成市，不少更设有外卖服务，方便在办公室上班的打工仔。元朗有饮品店接获政府合署一个32杯饮品的「柯打」，由于饮品数量多，该店用近一小时制作饮品，于下午4时48分坐的士送货，中途打电话予该顾客时，对方指「要收工啦，冇人饮唔要啦。」引起网民讨论。

该饮品店在Facebook专页「尽在元朗」上载图文，指该店接获政府合署八楼一名男子的「柯打」，订购32杯饮品，「我接到同事电话已经三点九，32杯饮品，其中15杯要用Blender打，以最快速度4点7、8我已经出发去截的士，16:48的士在中途打俾佢，佢话要收工啦，无人饮唔要啦。」及后有关图文已被删除，仍被其他网民截图。

网民对此反应两极，不少网民认为饮品店送货太迟，「个客系唔会知你几多人做嘢...应该同客讲要成粒钟喎...等唔等...同埋个客亦唔会知你公司内部运作，唔要好正常」、「接唔起咁大单生意就一开始同人讲。」

亦有网民认为顾客应体谅制作需时，「32杯嘢，未计铺头其他嘢要做，仲有人手，要咁多时间有乜咁出奇」、「叫30几杯预咗要等，人地冇可能因为你一单，之前人地买咗嘅客就唔使做，你仲要加送外卖，等个几钟有几出奇，真系当自己大晒，买得多嘢饮就要做咗你果单先咩」。