劏得有良心？　「劏房专家」吴龙飞豪言住细空间做人积极

香港地少人多，劏房得豆润咁细，都要出钱住㗎啦。《有楼万事足》访问「劏房专家」、36岁嘅吴龙飞，佢劏房劏得出神入化，仲自言劏得有良心，装修得靓靓租出去。 去到其中一间有开放式厨房、独立浴室嘅百几尺劏房，飞哥以经纪嘅口吻力sell：「你睇吓间房，大到离谱，空间感几好！住咁细嘅空间做人就会积极，储钱买更大嘅屋，真㗎！」飞哥仲好爆咁讲年轻情侣同居想「曳曳」，四千零蚊租间房就搞得掂。 捱过穷过嘅飞哥，曾任职保安员、地盘工，辛苦同女友储落几十万，用嚟买楼同结婚。点样买完楼有得自住又可以租出去？劏房就得啦。飞哥话：「劏几间，一间自己住，其他租出去有人帮你供楼，仲赚到钱。」