105%悭妹：男人要有资产　会计师Tracy话冇楼结婚好冇面

「105%悭妹」Macy，23岁之前已成功上车的故事，似乎与《有楼万事足》塑造的「缩骨悭家」形象有所不同。酷爱旅行的Macy，高峰期可一年飞两次美国，好肯使钱叹世界、买名牌物品，更向阿妈借部份首期。自称做文员的Macy，声称行业好景时试过月入4万元。 昨晚第二集《有楼万事足》中，讲到Macy买入市价335万的旺角细单位，更已升值了50万，自觉叻叻猪的她，语气略带轻佻地指有朋友睇死佢买楼系错的选择，她说：「睇死我嗰啲人，断估你人工一年都储唔到50万挂。」 节目又安排Macy与90后男性朋友讨论买楼，男性朋友理性地表示：「唔买私人楼，可以买居屋，青春系唔可以用钱去衡量。」Macy以质疑的态度指：「你系男人，应该要有资产。居屋冇会所，难道你老婆想要会所，喺公屋装个畀佢？」 另外，有一对同是任职会计师的情侣Alan、Tracy去睇楼，Tracy自言冇楼揸手结婚好冇面：「请饮当日，我自己会觉得冇面，人哋会觉得，吓？租㗎咋？会睇唔起你。」身旁的Alan亦叹结婚要睇资产，相当无奈。