唔知同袁伟豪有冇过电　胡定欣帮拖李施嬅：拨行佢？

胡定欣、雨侨及胡琳担任化妆品品牌开幕嘉宾，提到李施嬅被指借胡定欣过桥力追袁伟豪，同是「胡说八道会」姊妹的胡定欣兴奋地说：「等你问好耐喇！我要代李施嬅同大家讲，佢最爱嘅人系我啊！」胡定欣一早与袁伟豪、陈山聪等人组成「Crazyrunner」，李施嬅亦加入玩埋一堆，胡定欣指「胡说八道」跟「Crazyrunner」已经不可分割，报道更成为众成员的笑话。 问到恋情可会成真，更加一家亲？胡定欣笑说：「唔会啦，大家太好朋友啦！（唔过电？）唔知喎！识咗咁耐，要发生都发生咗。使唔使我帮手拨行佢？」提到报道又暗指李施嬅介入袁伟豪与前女友岑杏贤的恋情，问到定欣可会为好姊妹澄清？她说：「唔需要澄清，咁不实嘅报道。」 另外，雨侨将会跟黄子华合作拍电影，她直言黄子华是男神，以往黄子华搞的栋笃笑，她会买贵飞支持。问到跟黄子华是否多对手戏？雨侨坦言跟黄子华做对手戏时，忍不住笑而NG。她笑说：「我有方法，之前同郑中基拍戏，学识咬脷忍笑。」