港式Long D无壳小夫妻　屈女家两尺半床「开心」

「香港人为买楼已经变得病态。」在第二集《有楼万事足》中，28岁的岑智颐（Henry）与28岁老婆刘颖豫（Hathi）裸婚，坚持唔会为买楼而屈就自己。 Henry系一位舞蹈员，Hathi系自由工作者，由于收入唔稳定，两公婆婚后唔同住，每个礼拜只见一两次。Hathi在市区约200尺嘅公屋，与家人同住；Henry则住在天水围，无壳小夫妻维持「港式Long D」。 结咗婚都唔同住，Hathi乐观咁话「仲好似拍紧拖咁」。寂寞难耐好想见到老婆嗰阵，Henry唯有上Hathi住所留宿，加埋Henry已经一家五口又冇房，只能屈在Hathi嘅两尺半床，仲要瞓正Hathi两老对面。Hathi仍然笑笑口展示张单人床：「呢度系我同老公一星期一两日开心嘅地方。讲嘢、举动都要细细声。」一个大男人瞓都冇乜位郁，两个人揽到实瞓，都咪话唔辛苦，道出无壳小夫妻嘅惨况。