张秀文呻冇楼心理唔平衡　坤哥慨叹随时消失喺娱乐圈

做艺人似乎搵到快钱赚得多，就算香港楼价高企，应该容易过一般无父干嘅打工仔上车挂。昨晚播出嘅《有楼万事足》入面，张秀文、吴业坤（坤哥）呻艺人多担忧，今日唔知听日事，好难买楼。 以月租万几蚊入住两房单位嘅张秀文，呻自己「心理唔平衡」，一直租屋，可能租足30年，就帮人供楼供足30年。张秀文呻：「呢世都储唔到钱去买楼，我有啲期望返内地置业。」不过金融公司老板Paul又狠狠地抛出一句：「放弃呢个幻想啦，自己地方都捞唔掂，去第二度唔洗谂吖。」 早排荣升做老板，开西装店嘅坤哥，亦慨叹旧年多咗唔锺意自己嘅人，感言做艺人大起大落，随时喺娱乐圈消失。有见及此，坤哥搵朋友合资做生意，希望有安稳收入。坤哥同时呻楼价高，未买到楼：「400几万得2、300尺，买嚟做咩？畀到阿妈住定系第时个老婆又一齐住？以为努力工作就买到楼，但系一路追，楼价又一直升。」