刘丹频演丧妻角色　网民戥惨猪：安排个老婆畀佢啦

新一辑嘅《爱‧回家之开心速递》日前首播，「丹爷」刘丹有份担正，在剧中饰演熊树根，一支公凑大两个女同外孙仔。不过有网民发现丹爷嘅惨猪身世，演亲嘅角色都死老婆，戥丹爷凄凉。 网民留言「可否安排老婆给刘丹？」、「丧妻好多次啦」。有网民齐齐出计，建议TVB拣出与丹爷登对嘅女演员，例如，李司棋、卢宛茵、苑琼丹、陈秀珠等等。再啜核啲，搵埋阿仔刘恺威拍剧，网民仲话两父子可以玩争女。 除咗播紧嘅《开心速递》，丹爷喺以下剧集同样逃不过死老婆嘅悲惨命运。 《爱．回家》马虎 「马家」嘅一家之主马虎，由丹爷饰演，虽然有3个仔可享天伦乐，惜剧中交代马虎老婆体弱多病，早就病死。 《律政强人》卓继尧 事业有成嘅卓继尧有阿女李佳芯，不过老婆又系一早死咗，两父女相依为命。 《天与地》江兆泉 工运领袖「泉叔」，代表工会参选立法会，惜投入社运为民出声几叻都好，泉叔始终都系死咗老婆。