专栏│史迪拿上「德」枱面

啱啱个礼拜喺前哨駅介绍咗好多德国新嘅前线球员，但系仲未介绍史特加一个几好波嘅中场，连曼城都有传闻想买佢返嚟做洛迪后备，佢就系史迪拿。

呢位拜仁嘅青训，曾经加盟过贺芬咸，而家喺史特加搵食嘅史迪拿，呢一两年开始站稳阵脚同埋冒起，佢嘅卖点绝对系中场嘅控制能力，今季Keep住喺德甲有9成传球成功率以上，佢嘅跑动能力亦都唔算弱，会喺球场唔同嘅地方都会见到佢驳脚，传球绝对系佢嘅看点。

已经连续两次入选德国大国脚，大家可能被阿历山大柏夫洛域或安特列治名字盖过咗，但系佢嘅进步亦真系越嚟越大，欧联对皇马亦都见到佢同拍档艾特简卡拉沙带嚟嘅活力同埋惊喜，经常可以见佢嘅传球撕破对方防线，今季每90分钟都可以创造到两次机会，显示出佢系一个有能力，摆得上枱面嘅球员。

史迪拿亦要继续提升，先有望可以站稳德国大军嘅正选名单，希望佢今季都可以续领史特加返前4。Willhappy