专栏│Fantasy Premier League攞分攻略

大热足球经理人游戏Fantasy Premier League近呢几年多咗好多人玩，我早两三年都好投入呢只Game，不过上年唔记得执阵直接弃咗Game，今年特登自己搞咗个League，希望重拾返呢只game嘅乐趣。

我谂呢只Game好玩嘅地方，就系每一周斗智斗力争取更高嘅分数。一定系挑选阵中多射门欲嘅球员，例如曼联中场般奴费兰迪斯就系最好嘅例子，因为佢系曼联嘅核心，甚至好似寻晚对富咸咁佢打埋「假9」，绝对系好大机会攞到高分，射波助攻球球都关佢事。

咁高尔彭马唔好咩？车路士实在太多不稳定因素，佢未必系绝对核心，再加上睇一睇个赛程，嚟紧要对曼城、水晶宫及韦斯咸，你都唔知会唔会有进帐。

仲有最后一招人有我有，有时你未必有灵感边个球员会攞到好高分嘅话可以参考吓人哋嘅阵容，例如有50%嘅人有艾宁夏兰特，咁就一定擸咗先，尤其是佢大爆发嘅时候，如果你冇佢分分钟会好蚀。

所以记住三样嘢，多射门欲、赛程、人有我有，基本上喺呢只game都如鱼得水，如果想季尾赢到波衫，记住可以Join我个League，League Code:ts5ltb。Willhappy