专栏│混沌过后必能成长

要知道足球从来唔好灰，新教练代表一个新希望，新球员代表一个新开始，车路士过咗2个赛季，只有动荡与失望。而我开始亦都有自我怀疑，对自我讲波风格系咪真系啱，别人睇落好光鲜，有唔同机会，我好多谢唔同人俾嘅机会，但其实好多时我都对自己唔满意。

每场波嘅要求都唔同，车路士上季对护级队简直系唔及格，不敌般尼同锡菲联，攻门唔能够展现到效率，好多细节处理都唔够好。而我系每一个节目细节亦都处理得不够，例如接波抛波点样可以舒服啲，舒服得嚟点样可以再搞笑啲，真系好难。

另外，呢两季车路士嘅风格上，我睇得出系想控球在脚，华丽咁入每一球，有边个唔想，但系How？冇能力拆大巴，好多波都系靠Transition得到Benefit；好似我由网台到电视台，系咪仲可以好似以前咁大鸣大放，系定位上唔够清晰，太易跟咗人地嘅节奏，消失咗自己，定从来我都冇自己？

或者球会同我都到咗樽颈，球会要冠军，我要成为评述界No.1，我哋彼此都入咗个樽颈。由网台到电视台嘅阵痛期，但只有不停做，有唔同嘅机会就系机会，奥运系一个与众不同嘅机会，希望到时可以系免费电视见到我时，会系一个完全唔同嘅我。我系一支万金油，都系一个万能插，同时系万能刀，又可以成长一番，同今季车路士一样，新开始再嚟过。Willhappy