专栏│闪电上车柏度尼图有隐忧

柏度尼图突然喺周五晚爆出即将加盟车路士，仲Here we go埋！根据报道系大约6,000万英镑左右嘅价格，成为新蓝军右翼！能力上技术唔需要怀疑，最主要担心都系伤患问题。

原来呢单转会一早有啲玄机，尼图喺4个礼拜前已经喺队长列斯占士社交媒体上留言，再加上有消息指出著名经理人文迪斯一路想保密呢一单协议，令到传去利物浦顶替穆罕默德沙拿由可能变成不可能。

善打右翼嘅尼图速度快，已经有5个赛季喺狼队，表现可以话直头系一个Star，上季交左2个入波9个助攻，季初嗰段对爱华顿、水晶宫同利物浦就一共交出4个助攻，显示到佢创造机会嘅能力，虽然唔系一个擅长串连嘅球员，但系单打独斗真系非常之强，左脚高速压落底线再去传中或者转返大位射门都同样纯熟。

咁佢当然亦有令人担心嘅地方，就系伤患问题依然困扰咗好耐，上一季大腿底嘅长期伤患系最大镬，一共伤左125日，对于一整个球季绝对系麻烦事，啱啱打起就即刻伤，而且膝头哥同肌肉等嘅部位全部都曾经伤过，希望佢可以尽快摆脱伤患。

呢单收购都系强化返车路士嘅右翼位置，同位置有马度基，相信2人绝对会有一番嘅龙争虎斗。Willhappy