星8卦丨「高妹」姣出面心计多泊错码头继续搏杀真凄凉

2023-05-26 10:00

「高妹」近年走势ok，但结婚呢个决定，对佢嚟讲绝对系唔明智嘅决定，不过如果唔系畀「二世祖」搞大个肚，佢仲肯定有排玩。「高妹」个底一向好花，无嘢嘅，恃后生又型得嚟靓，令到「王子」生滋猫入眼，拍咗几年拖都唔敢畀人知，无非系嫌「王子」搵唔到食，咁早公开关系自己无好处。

后嚟「王子」被力捧，佢又搵人放料话两个人一齐，从此人气升搵多咗钱，但因为一次意外「高妹」几乎无得再做呢行，搞到佢有啲嬲男友，后嚟又畀佢知道「王子」原来对前度仲系有照顾，钱已经搵得唔多，仲要扮有情有义，佢终于出招单方面公开同「王子」分手，即时人气再高企仲可以有机会投身大银幕，真系连佢自己都估唔到唔到。

呢边分手嗰边「高妹」已经搵到个好码头，三扒两拨仲上埋岸添，点知老公屋企有钱唔代表会过俾阿仔揸旗，迫于无奈唯有再出嚟密密做，仲要比以前搏杀，有钱搵唔计较做乜。好似最近去个大型活动，一早预告自己有重要消息公布，慌死无人知咁，仲要系咁叫大家记得报导，嗰种抢风头嘅低招，依家仲有好多人话佢老土。

见到有机会俾job自己嘅人，系咁埋身sell自己有几旺有几唔计较，全进攻型但求帮到自己，完全唔计较点样畀人话，不过嫁完仲要咁搏，就真系有苦自己知罗！