星8卦丨黑人衰烂赌离婚 胜在赌品好输极有钱找数

呢几年论落泊，都非「黑人」莫属，早年当旺时娶埋「假眼」创业风风光光，有运时同「假眼」又真系好恩爱。「假眼」虽然细「黑人」好多，但锡到自己燶，就梗系受沟而且名气大，难免系虚荣心作怪。

但生咗仔之后，两个人距离愈远，始终思想上有距离，「假眼」最怕被管，于是挞着「后生仔」唔俾面「黑人」而离婚收场。不过其中一个原因系「黑人」太锺意赌，好多时唔谂就一副身家赌命咁，令「假眼」心寒。

讲开又讲，「黑人」真系好锺意过大海，未通关都飞出去隔离完嚟赌，但最近大海嗰边打贪打得好犀利，而且限制赌额，令「黑人」觉得唔够刺激。于是转战香港，因为呢边有一大班有钱朋友，个个兴玩加洲扑克，每逢星期六日都会过嚟一次，搭飞机坐车总之有得赌就一call即到。

玩闷咗就上赌船，出到公海点玩都得，玩到够就经港珠澳大桥或深圳返屋企，听讲为咗方便赌，随传随到竟然起深圳整咗间屋。每次赌亲唔系少钱架，三两百万上落闲闲地，而且「黑人」赌品非常好，输几百万都唔会发脾气，气定神闲。问题系大家都质疑，点解佢赌极都有，钱从何来呢？
 

【相关文章】：

星8卦丨「好命妹」为老爷面子 延迟再婚积福愈嫁愈好

星8卦丨「阿妹」受尽情伤 拣啱「纯品」托终身重新出发

星8卦丨「多情种」阿叔3个情妇打崩头 闪人自保继续做沟女王

 

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ