星8卦｜「巴辣」用钱纵坏女儿变港孩 老窦地位低冇Say宁愿做鹌鹑

有谓养不教父之过，教不严师之惰。香港愈来愈多港孩，都是因为父母唔教，一味宠，结果做咗废人。

「巴辣」因为情伤减咗廿几磅，变番靓女后就遇到「才子」生滋猫入眼，三扒两拨就住埋，仲生咗个女「宝珠」。「才子」天生不覊，「巴辣」系个女12岁至敢同「才子」讲拉埋天窗，其实男方咁多年都驶咗巴辣成层楼，做亲投资都输晒，既然系咁，感恩图报先决定俾咗个名份「巴辣」，不过，「才子」一直不满老婆的教女方式，自细去旅行就算唔坐头等都要商务，食嘅都系攞奖餐厅。
 
屋企啲工人成日为咗煮啲乜嘢俾小姐食而捱闹，未到约满就换人，成为劳工处黑名单。有名你叫，阿女被两公婆如珠如宝咁养，「巴辣」乜都系个女大晒，连买衫从来都系国际品牌童装，依家少女味浓，都系着啲老积品牌，拣落三几万衫叫「巴辣」落去找数。事实上，教小朋友唔可以一味迁就，「宝珠」从来系长辈眼中无礼貌，呢样同佢阿妈差唔多，永远唔会主动叫人打招呼，最惨系「公主」心态觉得自己好靓，为咗追一个心仪男同学系班房搞搞震，老师要见家长，「巴辣」嚟到仲要一轮咀数臭间学校唔开明太古板，之后帮阿女转埋校，放任程度，令「才子」都终于出声，话咁样个女会变废人。
 
奈何咁多年「才子」家庭地位唔高，由小学开始想教「宝珠」正确价值观都入唔到位，「巴辣」即刻出嚟用歪理叫个女唔驶听，「才子」无瘾亦无奈，依家都唔肯同两母女出街，费事失礼。

【相关文章】：

星8卦｜「潮女」悭家换「长辈级」形象指导 为细路唔介意成身土味

星8卦｜「小天后」又懒又烦要买麻雀枱喺后台开大餐 被封乐坛「瘫己」犯众憎

星8卦｜太太罗美薇神隐廿年 揭张学友狂推job之谜

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ