星8卦｜「树嫂」扮大肚撬墙脚成功 乱投资榨乾「树仔」要卑躬屈膝搲捞
2023-01-27 17:30 
熟悉「树嫂」嘅人成日话，如果唔系前世拯救咗地球10次以上，都唔会遇到「树仔」咁好嘅老公。
「树仔」份人好专一，读书嗰阵大把鬼妹媾，佢都拣番中国同学，因为同声同气。
「树仔」事业都算顺利，歌影视瓣瓣都捞得掂，初期戏瘾大成日幻想做影帝，老实佢嘅演技又真系比较普通，但咁样就遇到「格格」，好快共堕爱河，尤其知道格格系初恋，两个人好鬼认真拍拖。
不过无男人唔受诱惑，「树仔」公司要搵人帮佢改头换面，咁啱「树嫂」系其中一个面试者，后生靓女，性格时冷时热令「树仔」觉得好好玩。「格格」好快知道唔对路，发起班朋友一齐杯葛「树嫂」型爆，反而激嬲「树仔」话「格格」小气，两个人嘈镬劲决定分手。
「树嫂」见时机到，又食住「树仔」负责任的性格，话咁快搞大个肚，生完就退出幕前，学人做生意。问题佢只识买贵嘢，做埋啲投资好唔实际，身边仲出现一啲想搵佢笨嘅人，次次都话商机无限，铺铺都唔见七位数。
「树仔」好尊重老婆，欣赏佢转行决心，甘愿做提款机，而「树嫂」嘅另类投资又啱屎忽鬼「树仔」心水，唔怪得可以做夫妻。但连续扔钱落海，「树仔」终于顶唔顺叫老婆唔好做生意，开始买砖头，点知愈买愈大，搞到唔系好识计数嘅「树仔」银行户口所剩无几。
「树仔」即刻谂方法搵钱，乜都做，连平时睇唔起嘅人同工作都卑躬屈膝，对一向性格高傲「树仔」都系一种折磨，一度情绪抑郁。
【相关文章】：
星8卦｜模范夫妻爆离婚！小云出轨发姣派帽 吉仔用成副身家箍煲
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应