星8卦｜「芝渣」嫁人生仔扮恩爱 「愁哥」私欲令老婆犯众憎

「愁哥」同「芝渣」呢一对，简直系娱乐圈人办。「愁哥」又点会锺意女人，不过佢屋企一直俾好大压力，要佢娶妻生仔。「愁哥」其实有个好好嘅伴，高大靓仔做嘢唔错，呢个伴帮「新哥」打工，因而识到同佢做嘢嘅「芝渣」。一直想娶个女人返屋企帮助自己事业更上一层楼的「愁哥」立即出手，而「芝渣」九秒九受沟，本身佢都想生仔，贪「愁哥」有少少背景又官仔骨骨，借种都见得下人，二人就一拍即合。

结婚嗰晚，「愁哥」男友系台下喊到好似死老窦咁，大家都食花生食到好开心。「芝渣」份人多嘢讲，但读书少，「愁哥」婚后就全盘控制「芝渣」嘅一切，尤其系帮手令「芝渣」大肚威俾同期姊妹睇之外，以「芝渣」嘅救世者姿态出现，杜绝佢以前啲朋友埋身，仲得罪埋咁多年俾「芝渣」丰衣足食嘅「大老板」，搞到对方话全盘封杀呢个反骨精，唔俾生路佢行。

奇就奇在唔知点解「芝渣」好似食咗屎咁，一直任「愁哥」摆布，完全唔识分是非黑白，将佢身边心腹换走晒，然后有任何唔啱睇嘅就出嚟四处树敌，「芝渣」就觉得佢乜都系为自己好，完全唔介意咁多敌人。

可能因为「愁哥」同老婆婚前约法三章，佢可以同伴侣继续恩爱，但千祈唔好出街俾人见到，反正呢啲都系合作上演一场戏，要做就做得足啲，唔好令自己失礼。「愁哥」其实一早就飞起当日同甘共苦嘅伴侣，依家嗰位来自国内嘅小鲜肉，细自己十几年又听话，使费唔高。但呢啲嘢佢系从来唔同「芝渣」交代，总之「芝渣」人前幸福，又有小朋友令自己人生圆满，事业只系「愁哥」个人私心，想老婆威自己威，「芝渣」真系无乜所谓。

【相关文章】：

星8卦｜「尊嫂」山鸡变凤凰做阔太 附属咭碌爆额瘀到爆 

星8卦｜「孝哥」纵容烂赌老婆输身家 妻债夫还捱到病

星8卦｜太太罗美薇神隐廿年 揭张学友狂推job之谜

星8卦｜模范夫妻爆离婚！小云出轨发姣派帽 吉仔用成副身家箍煲

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ