星8卦｜「小天后」又懒又烦要买麻雀枱喺后台开大餐 被封乐坛「瘫己」犯众憎
2023-02-10 10:00 
格衰嘅人真系无得救，「小天后」已经唔多唱得，仲学人成日摆款，难怪近年愈捞愈霉，因为平时品行差，自作孽。
最近疫情防控开始放宽，好多歌星艺人都多咗去澳门同北上搵食，小天后喺香港唔受欢迎啫，行过隔离啲人仲觉得佢有名气，就算走晒音都唔觉大问题。不过佢成日俾近身同工作人员背后用粗口侍候，因为佢真系烦到爆，对做嘢嘅人驶到尽，去澳门咩？小天后话唔坐直升机就唔去，但依家啱啱开关，只得船同车可以过大海，佢嫌三嫌四话麻烦，话自己身娇肉贵唔想浪费咁多时间喎，最后当然要向现实低头坐七人车过关。
出入多要求不特止，原来啲工作人员帮小天后起咗个花名叫「瘫己」。呢位大姐连开骚都要叫到成枱食物，餐餐都九大簋，问题系佢瘫㗎嘛，永远要留系自己间房度食，由红馆到细后台都唔例外，每次要大家搬定张枱俾佢食食食，终于有次个门口太细，无一张枱入到房，小天后即刻黑面话唔唱，要主办单位买张麻雀枱搬入去俾佢开餐。因为唔肯郁，所以小天后一日肥过一日，就算狂做运动都减唔到，大家都好心凉话呢啲系上天对瘫嘅人最大惩罚。
【相关文章】：
星8卦｜模范夫妻爆离婚！小云出轨发姣派帽 吉仔用成副身家箍煲
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应