方绍聪与患轻度弱智家姐默契十足哽咽感激对方以自己为荣

2022-06-06 12:45

由余安安、罗敏庄、陈凯琳担任主持的《日日妈妈声》第二辑，昨晚（5日）播出第7集，方绍聪（奶仔）带同饼印妈「美丽姐」齐齐参与录影。原来奶仔有一位患有轻度弱智的家姐，与爸爸和妈妈感情要好，虽然家姐未能以言语与奶仔沟通，但奶仔笑指二人默契十足：「好多人问我同家姐点沟通，其实我哋由细到大相处咗好耐，所以可能一个眼神已经知对方想点，或者少少嘢我已经知佢系开心定唔开心。」

奶仔又谓十分难忘家姐看到自己在《特技人》中演出后的开心反应，奶仔说：「嗰时成家人一齐食饭，咁啱电视播到我嘅画面，家姐睇住个电视，企起身好开心系咁拍手掌，仲行出去指住部电视，再行埋嚟揽住我，同其他人客讲：『呢个系我细佬』。」说到此处，奶仔硬咽谓：「我嗰刻好感动，我以为我开心，原来佢戥我更加开心。」奶仔续指庆幸在无綫努力工作了十二年后逐渐有人认识，故希望能透过自己小小的知名度，让更多人关注弱势社群、尤其弱智人士。

方绍聪带饼印妈妈「美丽姐」接受余安安（左起）、陈凯琳同罗敏庄访问。

「美丽姐」与奶仔十足十饼印，「美丽姐」亦都好健谈。

「美丽姐」为生重磅奶仔，搞到块面爆微丝血管。

奶仔同患有轻度弱智嘅家姐感情要好，一个眼神已经知对方想点。

一家人好有爱。

为生重磅奶仔爆微丝血管

奶仔妈妈「美丽姐」虽然要同时凑大奶仔及轻度弱智长女，但她依然乐天开朗、没有怨天尤人，她笑言最希望是自己和家姐身体健康，这样二人才能一直一起走下去。「美丽姐」还大爆奶仔出生时的小秘密：「佢出世已经有八磅二，我生佢好辛苦，我生佢时因为太用力，块脸爆晒微丝血管。」「美丽姐」续指奶仔小时候有专属二人的亲密行为、促进亲子关系，她说：「我餐餐都要同佢碌咭，我哋用脸嚟碌咭！」奶仔闻言即接招谓：「所以我哋个样咁似系有原因，我哋依家少咗咁做，会改为请佢食嘢或周围去。」奶仔又不忘讲笑谓：「依家碌咭同锡锡转咗嚟追女仔，系Work嘅。」又谓希望自己能像妈妈般一直做个开心快活人，场面温馨。