独家丨何广沛偷胸围绝密删剪片段曝光抢先预告大结局连场丧尸激战

2022-05-12 07:00

搞笑丧尸剧《食脑丧B》，本周迎来大结局，讲到丧尸病毒已蔓延全城，人人自危，何广沛和蒋志光等主角，为救朱智贤同丧尸展开连场激战。《头条》直击众主角被丧尸围咬的精彩场口外，更公开何广沛偷胸围断正俾江嘉敏的绝密搞笑删剪片段，电视睇唔到㗎！采访：杜杜

「Sara姐」捉「笑春」去买胸围，俾档主评头品足，劲唔Like！

买买吓，「丧B」出手偷胸围。

绝密删剪片段讲述何广沛饰演的「丧B余阳光」，要靠食人脑为生，点知唔好彩食着个脑嘅主人会经常去内衣档偷内衣，于是「丧B」就不由自主走咗去内衣档重施故技，咁啱撞正饰演「笑春」嘅江嘉敏，同车婉婉饰演的妈咪「Sara姐」去买胸围，结果「丧B」被「笑春」捉到正，以为他是变态佬。

「笑春」快手捉住「丧B」，后者唯有咬佢手指甩身。

试戴胸围明女人感受

拍摄时广沛相当睇得开，虽然外景场地位于铜锣湾渣甸坊街档，有好多巿民围观，但佢冇有怕戴住几个劲娇艳的胸围周街走。被嘉敏问到第一次戴胸围感受，广沛就话：「都几勒住嘅，知道你哋嘅苦况。」嘉敏趁机大吐苦水，「𠵱家未系夏天咋，夏天仲惨呀！好热咁焗住。」广沛竟然唔识死驳嘴，「夏天照正常都系热嘅。」被广沛封为「TVB三大喇叭」的嘉敏即反驳：「再多层嘢焗住，你可以夏天再试吓！」广沛亦唔输蚀回佢一句：「咁你可以考虑试吓唔……（着）罗！」

冇戴胸围经验的广沛，要嘉敏帮手整理。

戴了胸围的广沛劲风骚，车婉婉同江嘉敏抢住集邮。

剧中嘉敏俾广沛咬手指，有围观小朋友睇得肉紧问「系咪真系俾人咬？」嘉敏表示第一吓真的被咬到，更被广沛嫌弃：「有啲咸！」嘉敏解释因疫情已做足防疫措施，「我专登唔用酒精嗰啲，惊你真系食咗落肚毒死咗你，你仲闹我『等咩呀𠵱家』，呜呜（扮喊）！」

「笑春」快手捉住「丧B」，后者唯有咬佢手指甩身。

广沛化身龙友，不停帮嘉敏影靓相。

朱智贤被追咬真心惊

锺意睇打丧尸场面的观众，绝对唔可以错过大结局，除了有广沛跟蒋志光为救朱智贤及方绍聪，而跟丧尸有连场打斗戏份外，亦有变了丧尸的马贯东同方绍聪对打，一样相当精彩。拍摄当日，朱智贤不停被丧尸追咬，又要疯狂尖叫，真心惊的她坦言是真反应，「头先细佬（广沛）都话我好逼真㗎！睇啲片都觉得好值得，拍到佢哋个个好有型，我就继续惊青，好多丧尸追住我嚟咬，佢哋本身系丧尸唔会袭击佢哋，场场啲丧尸一出嚟就扑埋我度，keep住惊，佢就英雄救美！」

「丧B」同老窦「余祥剑」（蒋志光）为救家姐「Anna」（朱智贤），跟丧尸激战。

变了丧尸的「Warren」（方绍聪）竟然想咬「Anna」，「丧B」唯有开枪。

「辉哥仔」（马贯东）变丧尸后，追咬「Anna」，「Warren」即英雄救美。

由于有连场打斗戏，制作团队又拍得认真，所以拍摄时间相当长，但广沛觉得只要观众欣赏就值得，「今次都打咗几耐，用咗好多时间，我预计系放食晏之前收工，但打到?￥ﾮﾶ都四点几五点，每个shot工作人员都好认真去打灯，营造个气氛，训练班啲同学仔同临时演员，扮演嘅丧尸都好逼真，希望大家睇到大结局时，感觉到个紧张气氛。」