独家丨郭子豪推剧遭雪藏学懂珍惜曾因离地嚣爆狂得罪人

2022-04-30 08:00

郭子豪最近两线剧《食脑丧B》和《今宵大厦 2》都有份演出，各有难忘经验，不过讲到最大收获肯定是因《食脑》而跟何广沛和方绍聪组成「食脑三子」，再成立制作公司齐追梦。由模特儿转战电视圈7年的子豪，自爆由离地嚣爆到经历公司两度雪藏后，更加清楚自己不足，感恩现在拥有的一切。

采访：杜淑霞摄影：沈健程

发型：Hugo Poon

Edit media 子豪在《今宵大厦2》单元《OPPA》，演韩星「Kim」，要换大量造型兼要讲两种口音韩文对白。

因拍《食脑丧B》，令子豪和何广沛和方绍聪成为好兄弟。

子豪跟何广沛和方绍聪虽然性格和背景都不同，反而令他们能互补不足，跟剧中一样组成这个铁三角，他又笑指私底下三人关系，「我哋喺studio成日讲广沛系阿妈角色，我系阿爸，奶仔系个细路，我好多时谂到嘅嘢会比较心急，冇咗佢哋角色，我系搞唔掂，佢哋将我冲返嚟嘅嘢变成个落地嘅主意，翻绎返人话讲畀啲同事听，有时我要求好高对啲同事好燥，广沛就好似润滑剂咁。」他又透露除合作主持综艺《真系唔好笑》外，还跟高层曾志伟提出创作新综艺节目，「曾生都开咗绿灯，但内容未公布得住，我哋三个都好期待。」

「食脑三子」成立制作公司，除经营自家频道，还接其他制作工作。

曾经心态丑恶

入行7年，子豪近期发展愈来愈好，但他却自爆初入公司时有过劲乞人憎的日子，「做Model时真系好多粉丝，个人就嚣，个鼻哥生咗喺额头度，一路觉得自己读书同外貌都唔差，就自我感觉良好，睇唔起人，嗰种心态好丑恶，入到TVB冇咁多人照顾，慢慢先学返点样做人同处事，7年嚟都得罪咗好多人。」

入电视圈前，子豪为时装品牌御用模特儿，当时已拥大量粉丝。

子豪更自爆早在醉驾事件前，因推剧已被公司雪藏过，「做埋宣传后，我无端端话唔拍，因我知同时间有另一个角色，但公司安排咗呢个，我觉得应该做嗰个，公司同我讲嘅原因我听唔入耳，但当人大咗，嗰两套剧都出咗街，我就明点解当时要我做呢个角色。」

19年，子豪被裁定一项醉酒驾驶罪名，须接受90小时社会服务令、停牌1年和自费报读驾驶改进课程。

不过，雪藏确实令子豪成长，「嗰时醒咗六、七成，醉驾再醒埋嗰两、三成，我𠵱家仲有一成不足。」自知不足的子豪，不断读戏剧和制作课程增值，考健身和各类车牌装备自己，更加学懂珍惜所拥有，「公司畀好多机会，做演员系我锺意做嘅嘢，又有搵到钱嘅嘢，一个咁差性格嘅人，身边有啲friend同女朋友不离不弃，已经好幸福。」