周汶锜教仔学行戴头盔被老公闹爆麦秋成体验「阵痛」酷刑

2022-05-25 00:30

周汶锜（Kathy）、郑衍峰及麦秋成前晚（23日）担任《日日妈妈声》嘉宾，与法籍老公育有两子的Kathy分享中外育儿大法，自认传统的Kathy原来是紧张大师，自爆曾在仔仔学行路时为他戴上头盔，令老公也看不过眼，Kathy说：「老公即时拎走个头盔唔畀再戴，佢话如果你唔畀佢撞吓，（佢）就唔知咩系痛，之后我就叮一声醒咗！」Kathy透露两子性格大不同，大仔像她一样比较保守，细仔则遗传了老公法国人的浪漫基因，她说：「细仔好热情，系人都锡，每晚要锡一啖嘴仔先瞓觉，真系好sweet，我有时会惊佢大个咁样识女朋友唔得㗎喎！」

周汶锜自认系传统妈妈，仲自爆对仔仔过份保护，因而被老公闹爆。

两个混血仔仔好靓仔。

妈妈做头部手术　郑衍峰自责：应该陪妈咪多啲

另一嘉宾郑衍峰，则与身在加拿大的妈妈隔空对话。入行差不多6年的衍峰，透露入行初期并不如意，因而积压不少压力，并于加拿大探望父母期间情绪大爆发，他说：「嗰次因为工作问题同爹哋妈咪有啲拗撬，之后我发好大脾气同掟嘢，仲崩溃到喊咗出嚟。」郑妈妈倾听儿子诉说往事时，忍不住眼泛泪光，衍峰亦趁机就相关事件向家人道歉，场面感人。

衍峰又提及郑妈妈于2020年曾接受头部手术，当时衍峰已即时请假回加拿大陪妈咪，但衍峰依然自责自己做得不够好，他说：「我见到妈咪醒番冇事先返香港，但照顾唔到佢成个康复期，作为独子我觉得自己可以做更多嘢，嗰刻应该要陪妈咪多啲。」至于新手爸爸麦秋成，则按制作组安排体验「阵痛」酷刑，痛到七情上面的秋成，竟不忘以爱的宣言向太太汤怡暗示想追多个小朋友，秋成说：「老婆你生第二胎时，我觉得要陪你多啲，因为真系好辛苦！」