COLLAR芯駖High爆登顶 队长Gao笑住话差啲碌落山
2022-01-28 10:30 
ViuTV女团COLLAR出道未够一个月已经劲多Job，因为三月开处女Show，团员呢排都好努力练舞，不过忙中都要唞吓气，所以队中好姊妹队长Gao及芯駖就约埋去行玉桂山。根据旅游网站所讲，「玉桂山路程虽然对行山新手来说有点困难，如果不介意手脚并用的朋友亦可以去挑战。」
从Gao及芯駖嘅相可见，两人明显系新手，因为真系手脚并用，队长话，「见到隔离啲阿叔行到好似平地咁，我就系地下爬… -.-」。队长仲笑住话自己差啲碌落山，因为上山好难，所以芯駖好High，登顶后喺玉桂山嘅牌前郁身郁势，以行动话畀大家知佢几咁兴奋。
队友Candy知道Gao话差啲碌落山都留言叫佢小心啲，不过呢位队长就覆佢，「下次同你行我会确保你只鞋著啱先。」明笑佢着错鞋事件，好鬼衰嘅啫。
最新回应