彭秀慧澄清同AL冇合作 仲做紧《阿妈有咗第二个》后期
2022-01-28 09:00 
彭秀慧导演近期因为同姜涛、Jer（柳应廷）合作新戏，又去睇MIRROR开骚，更不时在IG与MIRROR各成员互动，令唔少镜粉都希望她与MIRROR有更多合作。日前Anson Lo（卢瀚霆）在IG自爆已经开始为新电影拍摄，要转新发型，更引来他的戏剧老师彭秀慧留言打气，加上日前她在IG限时动态分享AL坐过嘅櫈又主动Tag AL，令到对教主新作一无所知的神徒纷纷估彭导新作可能是与AL合作。
不过各位神徒冷静啲！AL拍紧咩新戏就仲未知，不过彭导似乎都唔想大家估得咁辛苦，担心大家由期望变失望，昨日（27日）于IG限时动态澄清她暂时未有新作：「我全情投入阿妈（《阿妈有咗第二个》）后期工作中，并无拍摄任何新戏。」仲话澄清事小，影响他人事大呀！咁大家下次见到彭导出Po就唔好估太多嘞！神徒想知AL新动向，就等AL自己公布啦！
立即下载 | 全新《星岛头条》APP :https://bit.ly/3yLrgYZ
最新回应