娟姐话识打篮球冇人信晒旧照做证据又冇人认得

2022-01-28 01:00

练美娟（娟姐）在ViuTV除了主持，近年亦参与不少剧集演出，早前在港版《大叔的爱》中饰演为食女同事Carmen姐的表现不但被网民大赞，就连日版《大叔的爱》中的本尊「舞舞」濑川舞香（伊藤修子饰）都在社交平台表示有追看剧集，大赞娟姐演得非常好。

娟姐（右三）有份拍《季前赛》，佢喺记招话自己细个有打篮球但冇人信。

之前喺《大叔的爱》表现获赞。

连本尊都Like爆。

娟姐昨日（27日）于IG透露，她下月即将为ViuTV新剧《季前赛》拍摄，而她为了证明自己真系识打篮球，特登搵返两张旧照做证据，「喺记者会我讲过小妹其实细个系打篮球嘅，然后隔住个罩都见到大家目瞪加口呆，唔紧要啦！当笑话听完就算啦吓🙄」相信系娟姐中学时期影嗰张相，就大家都认得系佢，不过有机相信系小学时期影低嘅童年相，就引来好多网民留言话认唔到边个系娟姐噃！就连岑珈其都留言：「边个系你？」幸得热心网民回覆，话身穿14号球衣的小女孩正是娟姐。陈子丰都盏鬼表示：「女大唔止18变喎……完全认唔出……😮😂」乜真系咁难认咩？