答案最终章丨姜涛自觉跌入人生低谷重返母校面对极自卑的自己

2022-01-26 12:30

MIRROR人气王姜涛的最后一集纪录片《答案最终章》昨晚（25日）上架，片中他重返母校，成长的过程令他变得好自卑；站在颁奖礼台上，即使在世人眼中已攀到人生高峰，但在姜涛心目中原来「跌得好低」。

姜涛自言初入行已经跟花姐讲想改一个名，因为对自己的名字没有信心，拍片当日他说：「我今个月30号已经22岁，但啲人仲嗌姜B就真系唔系几好，其实姜涛呢个名都唔系太锺意，但可惜已经定咗型。」《全民造星》冠军光环，姜涛深信头一两年还有，渐渐就会消失，在叱咤夺「最喜爱男歌手」似乎令他更迷失：「可能人哋睇我系好高峯嘅位置，但其实我真系跌得好低，可能你睇嘅嘢真系相反，可能你睇到嗰个人（表面）同嗰个人真心谂嘅嘢系完全相反。所以千祈唔好太容易定义一个人，冇人定义到。」

在世人眼中攀到人生高峰，但在姜涛心目中原来「跌得好低」。

姜涛第一次表演的学校舞台。

姜涛的旧照好青涩。

姜涛现在觉得行商场已经是好奢侈。

之后姜涛重返以前就读过的青年学院（邱子文），在校内跟师生合照，又去到第一次表演的学校礼堂的小舞台，重温姜涛当年表演时的青涩样，好多回忆番晒嚟。但离开校院一刻，姜涛亦很感触：「呢间学校系带畀我最严重自卑嘅地方，我所有嘅自卑所有嘅童年唔自信，都系来自呢间学校。我唔系话呢间学校唔好，纯粹系我喺呢间学校经历嘅所有嘢都系……喺呢度愈自卑愈唔懂事，大个先至愈嚟愈变得懂事。」他还指当时太肥，每次上游水课都只会站在泳池边，不敢除衫；每日跑步，望住其他同学亦会觉得好自卑。「只可以讲，自己可以再open啲，因为我一直冇乜讲太多自己嘅嘢畀大家听，我只会讲喺呢个团队所经历嘅嘢，但唔会讲太多过往嘅嘢。」

还原基本步，开心原来好简单，纪录片中姜涛还去搭港铁、行时代广场，在自己在大型广告牌前打卡，及看波鞋，他笑言：「行商场喎，几咁奢侈嘅事呀！」姜涛透过音乐，诚实面对自己的问题，「谂方法令自己坚强啲，承认自己有唔好嘅声音喺内心处，搵方法同佢一齐行。个答案其实都知系乜嘢，但真正要做到系需要时间。」笑言希望《镜中镜》是一服药，听完一次便可找到答案，不用再听。