杨洛婷被旧公司叫整容 感激老公撑到底：用尽所有能力照顾我

杨洛婷是2003港姐亚军，2014年与乐队Dear Jane主音黄天翱（Tim）结婚后，育有一子一女，经常在社交网晒温馨家庭照。而Dear Jane日前在红馆完成5场演唱会，身为Tim背后女人的杨洛婷却有感而发，今日撰写千字文，细诉夫妻入行多年的高低起跌。

杨洛婷自爆曾被旧公司逼去整容：「曾经有一段时间，我被旧公司不断无理咁逼我去整容，因为我唔肯妥协、唔肯就犯，所以就被人无情咁『掟入雪柜』，结果我冇工作冇收入。当时我老公就好型咁同我讲，佢会用佢嘅所有能力去照顾我。的而且确，我老公绝对有履行佢对我嘅承诺，而幸运嘅系，我精彩嘅主持生涯亦随即展开。呢个就系我哋❤️爱情故事嘅开始。」

而Tim的歌唱事业亦非一帆风顺，在乐队低潮时，杨洛婷亦曾劝过老公转行，应该面对现实，庆幸对方没有听自己意见，继续坚持理想才有今日成绩。她表示以往Dear Jane开骚，她都会求神拜佛，努力叫身边所有朋友买飞支持，但今次撞正她坐月，竟然反过来大家叫她帮手买飞：「连一啲素未谋面嘅人，好似餐厅侍应、帮我整电话嘅师傅等等，都一一走来搵我买飞（我即使再忙都出尽全力帮手答谢大家），我真心为Dear Jane感到无比嘅光荣同骄傲！」