楊洛婷被舊公司叫整容 感激老公撐到底：用盡所有能力照顧我

楊洛婷是2003港姐亞軍，2014年與樂隊Dear Jane主音黃天翱（Tim）結婚後，育有一子一女，經常在社交網晒溫馨家庭照。而Dear Jane日前在紅館完成5場演唱會，身為Tim背後女人的楊洛婷卻有感而發，今日撰寫千字文，細訴夫妻入行多年的高低起跌。

楊洛婷自爆曾被舊公司逼去整容：「曾經有一段時間，我被舊公司不斷無理咁逼我去整容，因為我唔肯妥協、唔肯就犯，所以就被人無情咁『掟入雪櫃』，結果我冇工作冇收入。當時我老公就好型咁同我講，佢會用佢嘅所有能力去照顧我。的而且確，我老公絕對有履行佢對我嘅承諾，而幸運嘅係，我精彩嘅主持生涯亦隨即展開。呢個就係我哋❤️愛情故事嘅開始。」

而Tim的歌唱事業亦非一帆風順，在樂隊低潮時，楊洛婷亦曾勸過老公轉行，應該面對現實，慶幸對方沒有聽自己意見，繼續堅持理想才有今日成績。她表示以往Dear Jane開騷，她都會求神拜佛，努力叫身邊所有朋友買飛支持，但今次撞正她坐月，竟然反過來大家叫她幫手買飛：「連一啲素未謀面嘅人，好似餐廳侍應、幫我整電話嘅師傅等等，都一一走來搵我買飛（我即使再忙都出盡全力幫手答謝大家），我真心為Dear Jane感到無比嘅光榮同驕傲！」