头条独家丨岑宁儿享受留港厌做「空中飞人」　朋友纷移民要见就要环游世界

岑宁儿（Yoyo）即将推出首张广东专辑，当中4首歌曲以「家」为主题，率先派台的新歌《风的形状》大谈「离家」，切合近年的移民潮。曾留学多伦多、旅居北京及台北的Yoyo称，去到外地要适应文化差异，但深信经历会丰富人生，「未知系恐怖嘅，要有信心自己搞得掂，回头睇嘅时候觉得都唔系咁难啫。」而「回流」香港的Yoyo更珍惜与亲友相聚的时光。撰文：黎宝伦　摄影：谭壹致　发型：Sam Lo @Orient 4化妆：On Ki Lau

去年全球爆发疫情，长年周围飞的岑宁儿年底完成唱片制作后，因想念家人和朋友便从台湾飞回港，暂别「空中飞人」的生活，「飞少啲真系舒服好多，以前系攰到唔觉攰，而家少咗啲压力，享受同家人朋友一齐嘅时间。」想必妈咪刘天兰特别开心？她笑道：「唔知喎，反而喺台湾打多啲Facetime，返到嚟见少咗。」面对朋友纷纷移民，Yoyo坦言更珍惜随时约到的日子，「我谂第时见朋友要环游世界，所以呢个时候都想喺香港多啲。」

唔想再四围走
下首派台歌谈及「思乡」，对于Yoyo而言，「乡」可以是一个回忆、事物、地方或人，「例如上一辈人好挂住已经冇咗嘅时代，嗰个先系佢哋长大嘅地方，同一个地方系会随时代流动改变。」她自言每逢过节倍思乡，尤其中秋望住个月亮，特别想念一家人在加拿大食旧式月饼的时光，问其「家」在哪里？Yoyo笑道：「喺我个人度，而家喺边度就将边度变成我嘅家，唔同时候有唔同感受，我做和音系咁唱人哋嘅歌，当唱自己嘅歌时，我都觉得自己返咗屋企，好庆幸自己有啲歌，咁就Feel at home。」她直言不想再四处漂泊，至于将来长Stay在哪个家？Yoyo说：「我真系冇谂，出年去边都未谂。」