容祖儿首次执导MV 庆出道22周年出新歌《不配》

今日是天后容祖儿(Joey)出道22周年的日子，而她也乘势于出道纪念日推出全新广东作品《不配》。以新歌剖白感情世界称:「曾经好努力，但最后都要无奈放低。」歌曲纪录了Joey成长的真实情感，诠释了一段感情从浅到深，再到分道扬镳的无奈至释怀的抽丝剥茧。

这次Joey更首次执导MV，她分享道:「一切都系嚟自我对呢首歌嘅感情，我好喜欢呢首歌嗰种无奈同埋成长嘅智慧，所以我喺度谂，要搵一个好明白我对呢首歌嘅感情嘅人，其实都比较难，与其系咁，不如我自己做番导演，去令到呢首歌有一个喺我脑海里面嘅影象出嚟。」

Fans都想知Joey执导过程，唱片公司都好有心，特别安排在今晚9时29分上载长达十分钟的MV拍摄花絮，满足Fans好奇心。

入行廿二年，Joey都好感触:「其实要坚持22年真系一件唔容易嘅事，喺呢22年入面继续遵守自己诺言、继续成长，好多谢身边每一个去帮助我嘅人、我嘅歌迷、我屋企人。所以我成日都会觉得用自己嘅作品去代替自己想讲嘅所有说话，希望将来每一日都可以比之前每一日进步，继续做好啲自己，希望锺意听我唱歌嘅人仍然听到我好用心演绎每一首歌。」