郭奕芯自爆前度有性癖好：发生紧行为兜巴打过嚟问正唔正

今晚播出的一集ViuTV节目《晚吹 - 恋讲嘢》邀请到嘉宾阿Mi，分享曾经同大话男拍拖的经验，当中谈及情侣间的癖好，主持谭凯伦（Helen）透露：「如果我好锺意嗰个男人，我会忍唔住系咁咬佢，好肉紧，周身咬。」而郑伊琪（浩南）则表示自己有朋友喜欢在发生性行为的时候互相掌掴。一向敢言的郭奕芯（Ashina）则称自己有同样经历，大爆前男友性癖好：「试过有个男朋友，大家发生紧行为嘅时候，佢突然兜巴打过嚟，跟住嗰吓我觉得有少少唔尊重，但系大家进行紧嗰件事，你好难突然之间呆咗，停止成件事。」

Ashina续说：「佢见到我冇反应，跟住佢问我正唔正，我真系呆咗，后来我同自己讲既然都发生紧，咁我不如尝试去enjoy呢件事，后来我觉得，以前无论边个打我都好，第一个反应都系唔锺意㗎啦，但当时因为佢系我男朋友，我尝试接受呢样嘢，我发现原来系好痛嘅过程里边，系会有少少爽。」