演性感拜金女被标签 郭奕芯认曾被问饭局价

郭奕芯（Ashina）在新片《#PTGF出租女友》是第一位出场的ptgf角色，叫「Ball Ball」，Ashina形容「Ball Ball」好现实、港女、非常拜金。Ashina最难忘在桌球室拍笃波戏，着超性感的大低胸窄身裙戏服亮相，但当时她因患上荷尔蒙失调，整个人很肿，加上本身不懂打桌球但剧情指她笃波叻，要临场即时练习，她更是全套戏首个出场的ptgf，要令观众对ptgf留下第一印象，在各种原因下令她感到极大压力。她还自爆这是她第一次在荧幕前讲粗口对白。


提起荷尔蒙失调，Ashina苦笑说：「前排疫情留喺屋企，好想有嘢做又好闷，唯有系咁食嘢，新陈代谢好差，好肿又心情浮燥，最惨都系好想食嘢，系黐咗线，好似魔鬼系咁搞乱我，拍完《#PTGF》就睇中医，饮中药调理返，依家正常，瘦返啲。」

Ashina经常拍性感戏，容易被标签拜金、随便；她则说：「有人咁认为系唔意外，俾人讲唔系一件坏事。我拍戏比较性感，俾人觉得我思想行为open，真系身边有啲朋友或者男仔话你拍三级片都会锡呀揽下，做呢啲行为都冇咩所谓，我觉得好唔尊重。」她认为最紧要努力做好自己的角色，「喺你更好嘅时候就冇嘢讲，因为大部份人只在乎结果唔系过程。」

娱乐圈亦一直流传「女星饭局」，问Ashina有否遇过？她直认：「有架，又唔会讲到好出面，我唔系好清楚系唔系，有啲嘢一问就好低档次，朋友唱K食饭，有朋友派下利是我又唔觉得好特别事情。有人问过食饭几多钱？但食饭有冇其他又唔会确实答到，叫你去咗先，如果啱就点点点，啱即系点？又答得唔清楚。我会睇边个同我去，要睇场合系咪适当，feel到唔对路会走。」Ashina觉得「呢个世界冇咁便宜事情」，所以好多model都被呃，有女仔入世未深，被呃后亦没有获得演出机会，最紧要是靠自己实力及人际关系。