阿正疯狂吹奏Edan靓仔 感谢对方为其电台节目唱主题曲

拍摄中的ViuTV综艺《胶战2》仍未透露何时播出，不过6位主持就好老友，在社交网频频更新拍摄情况。MIRROR成员Edan（吕爵安）就再次被公开黑图，疑似是阿正（黄正宜）的人首先上载Edan熟睡的照片道：「Edan哥瞓着咗都好靓仔 By正小编」。

阿正又贴出Edan「炒车」照片，续表示：「摄影初哥想影相靓啲？影Edan哥啦！Edan哥上镜程度可以话系惊为天人，就算影相手震都无损佢嘅颜值，有佢出现嘅相，基本上都一定会靓，所以摄影新手们，想你嘅作品靓？唔使理构图光线光圈，只要有Edan，张相就一定靓晒！By 摄影系小编 正妹」。

虽然阿正和Edan经常「互相伤害」，不过其实都好老友，阿正近日结束商台节目《一位吖唔该》，转为与好友Elsie一同主持《Bad Girl佬》。Edan为节目献唱主题曲，令阿正表示很感动，笑言要做一晚限定的「爵屎」（Edan粉丝称呼）。