同女主角面贴面吓到弹开 ANSONBEAN死撑：系剧本嚟嘅

ANSONBEAN（陈毅燊）首支派台作《CRUSH（oh no!）》MV内的CG特效，将ANSONBEAN化身成游戏机内的跳舞少年，带著混血儿MV女主角四围去，导演在拍摄上刻意加入亲密互动，例如要ANSONBEAN拖著女主角的手，甚至要两人面贴面几乎亲咀的镜头。
20岁的ANSONBEAN虽然练得一身好舞功，但私底下其实相当怕丑，当跟女方面贴面时，怕丑仔吓到成个人弹开，但ANSONBEAN坚称「弹开」只是拍摄效果。他说：「其实剧情讲我喺间餐厅带女主角去玩嘅场面，系罗！个距离有少少近，啲人以为我惊所以跑，其实系剧本嚟嘅，所以呢我唔系好惊，只系有少少惊啫，好似好近咁，其实冇嘢嘅！」
ANSONBEAN感恩获公司投放大量资源：「MV玩咗好多个场景，又有CG，仲有好多dancers，服装都好特别，你睇吓我只眼，系蓝色㗎（隐形眼镜），MV里面仲会扮揸车！」

自小受妈妈薰陶热爱跳舞，ANSONBEAN在开拍前用了三天时间排舞。整个MV拍摄，一共转了四个不同场景，ANSONBEAN由早上八点开始埋位，直踩到凌晨才收工，大部份时间都要同其馀六位dancers一起跳舞，但年轻的ANSONBEAN，却愈夜愈精神。问他最想公司如何奖励自己？ANSONBEAN搞笑说：「可以拍完个MV已经系一个奖励，同埋最紧要有埋盒叉鸡饭！好肚饿！」