ANSONBEAN爆汗丧队20支甜筒：唔肥仲大只咗

ANSONBEAN（陈毅燊）最近拍雪糕广告，见他两只手指小心翼翼掂着最后一啖甜筒尖，像要跟情人道别般依依不舍，原来他锺情朱古力甜筒，而且喜欢由底开始慢慢啜，对甜筒尖有情意结。
当日由清晨开始在运动场拍摄，ANSONBEAN趁未埋位就地取材做运动谷肌，又拉筋又引体上升，一轮热身后，像叉足电一样跳跳扎满场飞。为配合航拍和多角度拍摄，他又唱又跳十几趟，虽然满头大汗，但愈跳愈起劲。之后「文戏」拍摄食甜筒镜头，但正值阳光普照的下午，加上他热情笑容，手上甜筒似乎亦加速溶化，为捉紧时间，ANSONBEAN甜筒一支接一支不停食，眨眼就扫了20支。

「今次系我第一次拍广告兼写广告歌，好新奇，好开心。平时写歌要谂题材，有时好苦恼，但今次目标好清晰，好得意嘅新尝试，又唱歌又Rap，好好玩。第一次拍广告跳舞加唱歌，好似拍咗个MV咁，好正，仲有航拍好有型，咁食雪糕又真系好型！」ANSONBEAN说：「虽然每支咬两啖要Cut机，但一口气食了20支甜筒，计埋都有5、6支份量。」会否因操肌放弃食雪糕？他说：「其实都唔系太甜，间中我当饭后甜品都OK，加上嗰日拍广告拍咗成日，出咗好多汗，拍完无肥咗，反而仲大只咗添，正！」问他最爱哪种口味？他抢答「朱古力」并解说：「呍呢拿『味』、芒果『味』、香芋『味』，只有朱古力唔系食『味』而真系食朱古力，好似好抵咁，所以特别锺意食朱支力甜筒。」
理由特别，连食甜筒的方式亦好特别，ANSONBEAN说：「我读书嘅学校小卖部有甜筒卖，Lunch时候会同同学一齐跑落去买，再跑返上课室食，我学校传统由底开始啜返上食，都几有趣！」