ANSONBEAN私下加操练舞 郑欣宜首合作大赞very very good

ANSONBEAN获安排与师姐郑欣宜（Joyce）合作新歌《@princejoyce (featuring ANSONBEAN)》，首次合作的ANSONBEAN极具诚意亲到拍摄现场探师姐班，且在一旁静静偷师。ANSONBEAN说：「可以同Joyce合作真系好开心！虽然我同Joyce分开拍，但Joyce拍摄果日我都有去探班，不过我只系买咗啲香蕉畀佢，帮佢打吓气。我一去到已经俾个好靓好壮观嘅景吓亲，再见到著住套好靓舞衣嘅Joyce，佢手上的水晶长指甲又好靓，衬起佢好靓好型，搞到我望住佢都有少少紧张，所以只系敢同佢讲叫佢加油呀！」

ANSONBEAN平时喜欢跳跳紥但其实非常勤力好学，当一知道要在新MV中演出便立即私底下加操练舞，他説：「MV只舞唔系好复杂，拍之前两日开始学，之后我睇住Joyce个MV私底下练咗一日，所以拍摄时大家都满意我表现，公司同事赞我学得快，其实系我秘密苦练将勤补拙。」

第一次正式入录音室录个人作品的ANSONBEAN说：「刚开始录歌时我系有啲紧张，之后就进入状态放胆咁唱，尝试花啲心思放多啲自己嘅方法入去，又试吓扮厚啲声扮大只佬咁唱，搞到好似演戏咁花功夫。」

师姐Joyce又如何评价小师弟的表现呢？Joyce说：「我同公司都觉得ANSONBEAN好啱呢啲跳舞节奏嘅歌，咁《@princejoyce》呢首歌就啱晒啦，佢嘅表现亦都very very good！」