【有人新屎坑】捱眼瞓都要扮靓 Lucy妈：呢个人真系好麻烦

李璨琛的3岁女儿李元元（Lucy）经常为网民带来不少欢乐，可算是众人的开心果，昨日，Lucy妈又在IG贴上Lucy的杰作！见到她用了一set指甲油连机套装，状甚认真，她还说：「琴日晏昼有班怪姨姨带咗LU出街，买咗呢set油指甲机比LU。LU返屋企先，然后爸妈先返屋企。一入门口，母发现个女又喺度游紧指甲油，双眼发光咁同个老母介绍返『我有新指甲油』，嗰阵已经系夜晚10:30。」

事件继续有下文，Lucy妈续说：「有人新屎坑临瞓前死都要个老母帮佢搽开头，有人搽来搽去都搽唔好扁晒咀，后来老母冲完凉帮佢搽，个人即刻开心晒风骚晒生猛晒，呢个人真系好麻烦 #我好眼瞓 #但都要搽指甲油㗎 #唔搽点瞓得着姐麻烦！」