秘密练兵操出麒麟臂蝴蝶背肌 ANSONBEAN状态大勇下周出处男歌
2021-07-22 21:46 
陈毅燊（ANSONBEAN）参加《全民造星III》获得季军后决定暂时放下学业，追寻自己理想星途，下周ANSONBEAN将会推出处男歌，原来他已秘密练兵多时，务求蓄势待发：「首歌喺五月准备到𠵱家，真系既兴奋又刺激，到时会现场表演畀大家睇，希望大家锺意。」
ANSONBEAN作为新人，明白要经历磨练才能成功，更知道装备自己的重要，经过半年的努力与坚持，ANSONBEAN一周五天艰辛的健身训练终练出成果，目前操出一双麒麟臂与完美蝴蝶背肌，非常煞食！他说：「有时都有练得辛苦嘅时候，我就会谂起有一个法国微生物学家讲过一句『Chance favors only the prepared mind』（机会只是眷顾有准备的人），我觉得好有道理，所以当我操到好攰，就会谂起呢句说话，叫自己加油、努力！」
操肌锻炼意志令头脑清醒
除了锻炼大只仔身形，ANSONBEAN认为健身更能锻炼意志：「感觉练到咁多嘢好似好抵咁，咁谂就唔会咁易放弃。因为好集中一样嘢，做完gym个人头脑会清醒啲，冇咁罪疚感，好似做咗一个和尚咁。」ANSONBEAN又笑言跟三个朋友组织咗个「和尚天地」群组，一同分享讨论健身苦与乐，大家会互相传啲骚肌相，互相督促展示成果，希望鼓励身边人都健康啲。
至于问到ANSONBEAN人生中，可曾有过放弃的事情？他想了想说：「我放弃咗过英国读书，原本我上年9月会去，都好呀，我唔想去㗎！因为嗰度好闷，加上我好锺意呢一行，所以选择留低。」
最新回应