【独家】老友未婚妻陈诗欣做媒人 锺培生街边食住鸡蛋仔「选妃」

2021-07-22 19:45
可能见锺培生好Dry,陈诗欣都忍唔住「介绍」囡囡畀对方识!
可能见锺培生好Dry,陈诗欣都忍唔住「介绍」囡囡畀对方识!

百亿富三代锺培生与林作将于9月假九展Star Hall进行「林锺一战」,掀起全城热话。早前,有网民翻摷2018年TVB播出的《女人四十》片段,当时锺培生对主持田蕊妮直认「对异性需求大」,令阿田不禁说:「明白点解佢搵唔到女朋友。」自爆放长假18日做爱做足52次的锺培生目前单身,可能好Dry,老友陈尔正(Joshua)的未婚妻陈诗欣都忍唔住开IG「介绍」囡囡畀对方识!采访:梁志明

可能见锺培生好Dry,陈诗欣都忍唔住「介绍」囡囡畀对方识!
可能见锺培生好Dry,陈诗欣都忍唔住「介绍」囡囡畀对方识!
锺培生于街头疑透过陈诗欣手机拣女。
锺培生于街头疑透过陈诗欣手机拣女。

究竟锺培生同陈诗欣有咩渊源?其实去年11月向陈诗欣求婚的陈尔正,与锺培生是识于微时的好兄弟,近年两人都有不少生意合作。日前傍晚6点半,陈诗欣跟Joshua出铜锣湾搵锺培生,《头条日报》记者于总统戏院附近的小食店门口,撞到3人拉低口罩Share一份鸡蛋仔兼吹水。其间,穿印上其口头禅「No Bullshit. Let's go.」字样白Tee的锺培生,边𡁻嘢食边Talk,仲讲到一额汗,佢不停用手臂抹额头的汗,而在旁的陈诗欣正努力划手机中,忽然好似发现「新大陆」般Show部机畀对方睇。

锺培生边食鸡蛋仔边睇IG靓女相,食到一额汗。
锺培生边食鸡蛋仔边睇IG靓女相,食到一额汗。
锺培生睇完女即高谈阔论,途人听到都忍唔住偷笑。
锺培生睇完女即高谈阔论,途人听到都忍唔住偷笑。

锺培生个样真系好特别
后来记者发现,原来陈诗欣于IG朋友堆中,物色靓女又骚相畀锺培生过目,估计是想做「媒人」帮对方牵红线;锺培生睇完第一张相后,把口就冇停过Non-stop咁讲,未知他又发表咩伟论呢?搞到企喺隔离的女顾客露出古怪的眼神,并偷偷耻笑他。看了几张相,锺培生似乎对其中一个女仔感兴趣,更用自己手机影低陈诗欣个Mon,随即狂打字,唔通「心动不如行动」私讯紧对方?之后,3人步行至附近冰室饮嘢,有「香港电竞之父」之称的他一坐低就打机,最后同陈氏情侣倾多45分钟,便独自乘的士回家。

锺培生入到冰室冇耐就挂住打机。
锺培生入到冰室冇耐就挂住打机。
锺培生中途去报纸档买水饮,乜冰室啲水唔啱饮咩?
锺培生中途去报纸档买水饮,乜冰室啲水唔啱饮咩?
锺培生与林作将于9月假九展进行拳赛。
锺培生与林作将于9月假九展进行拳赛。
锺培生上节目自爆放长假18日做爱做足52次。
锺培生上节目自爆放长假18日做爱做足52次。
關鍵字

最新回应

關鍵字

相關新聞

热门文章