【调教你MIRROR】姜涛跳芭蕾呆晒怀疑人生 Stanley感迷失花姐认忽略

ViuTV节目《调教你MIRROR》昨晚播到第14集，「镜仔」们因工作要暂别梅窝。中午众人学跳芭蕾舞，大家都表现雀跃，Anson Lo（卢瀚霆）自言：「细个睇得《天鹅湖》多，已经对芭蕾舞好有兴趣，好想学。」不过都有人enjoy唔到，平时Charm爆的姜涛惨变「僵」涛，舞姿生硬、表情茫然，完全跟唔上节奏。

姜涛被芭蕾老师Stephen指他的双手似龙爪，踢腿时更多次不小心踢中身后的Edan（吕爵安），吓得对方用手遮住重要部位！姜涛事后也自嘲：「证明我冇跳芭蕾舞天份，一入到去就觉得环境同我唔匹配！不过老师真系好有热情，无时无刻都笑住，睇得出佢有几热爱。」Frankie（陈瑞辉）转圈时十分流畅，获Stephen赞赏。最后Stephen在跳得最好的Lokman（杨乐文）、Frankie和Anson Lo之中，选出Lokman做最有潜质的「芭蕾舞小王子」，Lokman更即场表演了一段舞，获老师大赞。

其后12子回到当年参加《全民造星》时的试镜场地，在导师和评判面前即场表演。Frankie坦言出道两年多反而磨灭了自信：「我冇自信，而家我系进步咗，定系退步咗？有11个人同我一齐跑紧，跑得几快都会有人追到自己，系真系大家一齐进步紧，定系得我冇进步？」他唱回参赛歌《无尽》，引来其他11位成员一齐合唱，梁祖尧（祖祖）也感动到眼湿湿。

Stanley（邱士缙）则重唱《爱是怀疑》，不过当祖祖叫他形容自己时，他突然表示有点迷失：「觉得自己长期都冇咩特别，反而以前比较有自信，而家要演戏，唔系做自己先有番多啲自信。望番以前嘅自己觉得唔太OK，同埋惊讲错嘢，有时唔敢讲出心底话。」经理人花姐（黄慧君）也向祖祖说：「佢觉得好迷惘，（上年）喺台湾拍完剧之后好似冇咩机会，又睇唔到有咩前途。我都明，做呢行其实好冇安全感，而且Stanley会谂『年纪已经唔细，会唔会今年机会又冇咗？』，仲要系咁开《造星》。」

花姐也坦承自己有做得不对的地方，「计埋ERROR有16个人，我冇可能将24小时平均分畀佢哋，边个要特别照顾，我就会照顾咗先。我认为Stanley比其他人成熟，好似冇咩大问题，所以忽视咗佢。」祖祖好认同：「佢自我认同比较弱，最惨系唔想做自己心目中嘅弱者，而唔系人哋面前嘅弱者。」

Stanley最后和祖祖对话时也忍不住真情流露，他哽咽地说：「一首好简单嘅歌，我分到两句歌词，但系练咗两日都跟唔到拍子。我好𤷪我自己，点解我可以咁差？我好努力去做呢件事，但我……好似咩都唔系，好冇用，搵唔到自己价值。」他自觉在演戏方面的表现较佳，所以宁愿做演员也不想做歌手。