参赛者突被取消面试求解释 《造星IV》明天加开即场报名惹争议

ViuTV《全民造星IV》以全女班作招徕，日前举行面试。据知三日面试吸引过千人参加，不少人都是为做MIRROR及ERROR师妹而来。ViuTV今日在社交网宣布决定加开即场报名时间，明天下午2时至5时可以报名参与试镜。不过此举引来不少苦主嬲嬲，原来不少有意参加比赛的人都突然被取消面试。有人质问：「点解根本未in晒啲人又取消人casting，而加（家）突然walk in？扮少人参加定扮有良心补飞？」

另有网民以千字文要求ViuTV交代：「ViuTV麻烦俾（畀）一个解释，有好多女仔收到你哋casting嘅讯息，但突然被取消，另外有好多网上报咗名从未收到casting通知，咁究竟呢一批女仔，应该继续等，定系星期五一齐拥（涌）过去攞筹争位？如果ViuTV你唔解释or做一个更好嘅安排，相信唔会平息到呢几百个or几千个女仔嘅愤怒。其实报咗名参加嘅女仔全部都系有梦想，只不过感到非常唔公平，同埋完全唔知你哋casting既（嘅）准则系咩，点解有啲人有casting机会，有啲人冇？希望你们可以解释！」

《造星IV》吸引大量KOL报名，网上有传曾与姜涛传绯闻的《YOLO》黄曦谊（Candy，前名黄晓文）、ViuTV《广告女皇》参赛者Aggie及《造星III》30强止步的Christine（郑嘉欣）都有出席面试。