【有伏味】被郭伟亮刘浩龙大整蛊 邓丽欣闻游水旧爱「嬲」到掟钟
2021-06-24 11:30 
由Eric Kwok（郭伟亮）、刘浩龙和谷德昭主持嘅YouTube节目《圆桌德州扑克》（Round Table Poker）最新一集请来邓丽欣（Stephy）做嘉宾，比赛前，3位主持先夹埋玩Stephy，鬼马师兄先开口，扮徵询Stephy意见说：「问你问题，通常为咗迁就女嘉宾，会送多1000蚊筹码，你想唔想咁？」Eric Kwok即补充：「你觉得有冇问题？因为曾经有1男1女嘉宾上嚟，个男嘅提出话『咁样男女唔公平喎，我系女嘅就唔要你嗰1000蚊！』」师兄随即说：「系呀，嗰个系我哋第一个嘅男嘉宾。」Eric Kwok又接住说：「咁你系咪要男女平等嗰啲女权主义，唔需要呢1000蚊呢？」
Stephy不知不觉间堕入3人陷阱，她认真地谂咗阵回答：「其实我…因为我系天秤座嗰啲呢…我要好公平嘅，系呢，边个(提出)呀？」此刻Eric Kwok喺度奸笑，师兄就忍住笑，两人互推下，Eric Kwok答：「游水嘅！」Stephy笑得有点尴尬，即时作状发嬲掟喺枱面嘅钟，刘浩龙吓得离枱3尺，笑到癫！其后谷德昭更直接追问二人当年嘅相处方式，Stephy避谈话：「佢唔系好敢教我嘢！」
關鍵字
最新回应