【调教你MIRROR】玩瑜伽疯狂踩冧档 姜涛遭队友嫌弃好重

昨晚播出的《调教你MIRROR》第12集，12位成员分成两组，分别接受瑜伽及木工体验。Lokman（杨乐文）、Anson Kong（江𤒹生、AK）、Alton（王智德）、姜涛、阿Jer（柳应廷）及Stanley（邱士缙）去做瑜伽，梁祖尧（祖祖）竟向瑜伽老师表示「要佢哋啲筋撕裂」。在做多人瑜伽时姜涛经常表示要加入，但就因唔够力而发生搞搞震事件，只要他一加入动作就会倒塌。

姜涛先前已令Jer及Stanley惨叫，之后Lokman、AK、Alton和Stanley再尝试，本身这个「肌肉组合」相当稳阵，不过姜涛就一脚踩冧众人！Stanley大呼「姜涛你好重！」，Lokman就表示「我震系因为姜涛踩上嚟，佢劲重」。大家再挑战双人瑜伽，不过一到姜涛又出事，他差点将拍档Jer踢落地，更向对方话:「你而家个样好样衰！」。最后其他人帮手扶住在半空的Jer，扮挑战成功！

Ian（陈卓贤）、Edan（吕爵安）、Anson Lo（卢瀚霆）、Tiger（邱傲然）、Jeremy（李骏杰）和Frankie（陈瑞辉）挑战木工，众人要「破镜」，制作一块镜子之后再亲手打破。途中Edan、Ian和Anson Lo被木工工具声音吓到而缩作一团，被取笑是「三只地鼠」。Anson Lo表示：「钉枪劲似《死神来了》嗰啲，『啪』一声就射中心口！」；Ian则认为：「以前一齐做个Concert，一个工作会觉得系大家合力完成，而家只系觉得系工作。所以今次制成品无论好唔好，都系大家一齐整，感觉好好。」

无论是做瑜伽或木工原来都唔系今集主题，原来祖祖一早已邀请摄影师小云，在众人不知情下用Snapshot（快拍）捕捉大家最真实一面。小云指：「Snapshot未必人人都锺意，因为表情未必系最好睇最靓，不过会令人开心，同埋回忆返当时嘅感觉。」事后众人齐齐睇相，小云认为姜涛与Jer反差最大，「一开始偷睇大家，发现佢哋即使未Roll机都好百厌，好多时候都笑容满面。不过平时佢哋形象好Chok，今次感觉就似去咗毕业营咁，系一齐玩一齐长大嘅时间。」

Ian事后表示：「我本身有见到摄影师影相，有少少疑惑，不过大家太投入去玩，冇留意都好。如果知有人影相，大家都会Set头化妆。相入面嘅自己笑得好开心，好耐冇见过自己笑得咁开怀。」姜涛道：「啲相真系好似学生时期，冇任何顾虑同机心，系单纯嘅开心，多谢小云呢辑相。」祖祖开心见到MIRROR打开了一部份自己，「佢哋同大家一样有感受，有开心同唔开心，系咪一个偶像团体一定要Chok住同好正面呢！？」

另外，祖祖也宣布第二届幕后投选「我最喜爱MIRROR成员」，上次冠军Tiger笑言为维持好形象「日日早起身，好大压力」。在AK、Edan和Jeremy之中，结果由连续两次入三甲的AK夺得。有Tiger「加冕」的他随即以港姐Feel挥手，众人更哼出港姐主题曲，祖祖笑问：「系咪真系要喺ViuTV唱大台只歌呀？」得奖的AK事后多谢工作人员的照顾和支持。