收通知信以为遇骗案　林嘉欣获法国政府授勋

曾留学法国的林嘉欣对当地文化非常热衷，今年是她担任「法国五月艺术节」大使的第8个年头，即使因疫情只能留在香港，嘉欣仍坚守大使使命，积极推广法国各种艺术文化，日前更获法国政府授勋为「Chevalier de l’Ordre des Arts et des Lettres」，并在老公袁剑伟、两个囡囡陪同下，到法国驻港领事官邸接受授勋。

嘉欣笑言去年4月收到授勋通知时，以为被整蛊：「因为封信系由加拿大政府发出，我睇咗好多次，仲问我先生『系咪呃人㗎？疫情仲有呢啲骗案？』后来先知，原来因为我喺加拿大出世，法国嗰边要认证我嘅国籍，所以封信由加拿大寄出。」

授勋当日，嘉欣除以法文致辞外，更安排两个囡囡协助法国领事，进行授勋仪式，她说：「两个囡囡负责托住个放有勋章嘅枕头仔行出嚟，我同佢哋喺屋企彩排过，但屋企个枕头大好多，哈哈，所以嚟到领事馆，我哋都有彩排多一次，之前仲带佢哋买过条新裙仔，因为我两个囡囡好似野人，通山跑，平日着嘅衫穿晒窿，所以一定要带佢哋去买衫。」