洒泪否认系难顶雇主 蔡一凤展示七千尺豪宅力证有善待家佣

前亚视高层盛品儒太太蔡一凤（Michelle）月初在社交网站发千文不满被玩，控诉6名外佣及1名司机竟然喺短短一个月内先后离职，由于工人咁齐心，因而被网民质疑她系「最难顶雇主」。Michelle为此接受TVB《东张西望》访问，并提供有关家佣疑似偷5卡钻戒嘅片段，及未经剪得太碎喂BB嘅食物相作出反击。

主持人利颖怡（Joan）在赤柱7000尺独立屋豪宅内访问Michelle，她表示连埋一对龙凤B，一家4口由6位家佣，两位司机照顾。3个家佣负责料理小朋友；1位清洁1人洗烫衣服及1人煮饭；另有两名司机。节目中Michelle展示家佣的生活环境，包括佣人用餐区，厨房内有两间冷冻房，存放生果蔬菜和冻肉，就算两公婆外出应酬，可随家佣喜欢煮饭食。而睡房设有6张单人碌架牀及提供空调，每张碌架牀都有布帘，增加私隐度。向海嘅婴儿房和儿童游乐室内仲有3个碌架牀，提供畀家佣陪BB瞓觉。她自辩道：「如果我系咁苛刻，就唔会请6个工人啦！请两个咪够罗，我只系想佢哋舒服啲！」

 
哭诉家佣绝情
她指控当中有位佣人犯大错在先仍然黑面驳嘴才被解雇，事件发生喺4月21日，其中一人曾将多块未切细嘅肉喂幼子，搞到BB呕到出黄胆水。另一名工人则搏炒，用西瓜刨刮花屋内价值几十万嘅银器。Michelle更提供片段，指出一名家佣疑似喺离职时，涉偷取她一夥自家公司出品5卡嘅戒指，但基于冇证据系由工人放入行李内，故无法提出控告，而该家佣反过嚟向她追讨代通知金。到5月初，来自同中介公司嘅4位家佣及1位司机用不同理由提出集体辞职。司机喺在职期间，竟4次撞车。她哭诉说：「一个妈咪要凑住小朋友兼要做嘢好辛苦，工人咁走，完全冇畀时间我做准备，我同小朋友都有感情，点解佢哋会冇感情呢？」