【独家】方力申恨做爸爸未有结婚对象王菀之决定出手自荐做媒人

2021-06-17 23:00

王菀之（Ivana）和方力申（小方）日前担任星级义工，为「麦当劳叔叔之家慈善基金」在7月1日至8月25日举办的慈善奖券义卖活动拍摄宣传照。当日两人同3岁小妹妹一齐拍摄，见他们𠱁小朋友有一手，菀之笑言自己也是大细路，又自言未确定准备好做妈咪未，而好肯定准备好做爸爸的小方，就未有结婚对象，睇唔过眼的Ivana即场自荐做媒人。撰文：杜淑霞摄影：谭壹致

由于疫情关系拍摄宣传照没法在「麦当劳叔叔之家」进行，Ivana和小方未有机会探访一班病童，不过原来疫情前Ivana已经常去探访，而且被他们的正能量感染，「你以为佢哋病会好小心，但佢哋其实好活泼，拮晒针应该好痛，佢都照样跑来跑去，佢哋嗰种活力同埋生命力，反而啲大人入到去好似满布尘埃咁样。」

好识𠱁小朋友

见Ivana和小方都好识𠱁小朋友，Ivana自言内心都是个小孩，「我自己本身系屋企都喺咁同啲公仔沟通，我只系见到个friend咁啫！唔觉得系一个大人𠱁紧个小朋友。」问到是否已准备好做父母？小方坦言一直都ready，「我觉得我系个好好嘅老窦嚟，但系生仔佢死梗，一定会好严，但系女仔嘅话我谂会软好多，可能同个未来太太讲『你出去搵钱啦我喺屋企煮饭凑仔』，唔做嘢揽住佢哋算。」Ivana坦言10年前最想做妈咪，「可能同荷尔蒙有关系，好早有谂过，但过咗又冇谂，有时见到啲朋友，就会谂一谂。」

小方恨做爸爸，可惜仲未有结婚对象，玩交友Apps又未有成绩，「我其实都系得个睇字，冇行动，梗系唔敢啦！疫情底下系难啲，同埋我本身系难识朋友嗰啲人。」Ivana睇唔过眼话：「我啲好姐妹有个list嘅，我打畀你啦！（你终于出手啦！）我明佢，有时好似我啲好姐妹朋友，系要人介绍吓可能会好啲㗎！」小方再补充，「好似我细佬做律师，有时做到凌晨，你点识人啫！唔好话艺人唔知点样识人，佢哋都会唔知点识啲新朋友，所以介绍系需要罗！」叫Ivana快点出手，她即搞笑答：「知道！」