姜涛爆肚拖女仔手笑死队友 Lokman谈遗失自己爆喊4分钟

昨晚《调教你MIRROR》以队长杨乐文（Lokman）为主，花姐因为觉得Lokman令佢好放心而冇放太多时间落佢身上，此点令Lokman抱怨，加上要维持「队长款」所以有好大压力，花姐希望梁祖尧能令Lokman变回「开心的队长」。

节目尾段，祖祖同Lokman倾心事，后者一开始已忍唔住爆喊，指睇《狂舞派3》时挂念以前的自己，慨叹「这个人」已变得陌生，「我好挂住以前无拘无束嗰度力呀，但唔知点解我将佢愈收愈埋、扔低咗。以前唔会理其他人感受，可以自由奔放，呢啲系推动自己行嘅力。」喊足4分钟的感人自白感动不少网民！

另外，昨晚一集有喊又有笑，笑点来自姜涛在戏剧班的演出，A0的他疯狂爆肚向锺雪放电，又加拖手戏，最后因忘记台词而爆肚令队友笑到癫晒，获黄修平导演大赞有天份及急才，梁祖尧及队友即取笑姜涛「以权谋私」及「自肥可耻」，最终由演技自然及平均的Lokman夺最佳演绎奖。